GRUNNÞÆTTIR PALS
G-PALS (grunnþættir lesturs) má nota sem framhald af K-PALS, en einnig er hægt að nota það án þess að áður hafi verið unnið með K-PALS.
G-PALS er gott verkfæri til að mæta þörfum byrjenda í lestri. Hljóðin eru lögð inn í sömu röð og í K-PALS en mun hraðar. Unnið er með tengingu hljóða, umskráningu og lesfimi.
Nemendurnir sem vinna saman í pörum, hljóða stafi og orð, lesa sjónorð og sögu, fara í hraðaleik og æfa félagalestur,
Með PALS gefst kennurum kostur á að þjálfa samtímis hóp af nemendum í stafaþekkingu og lestri með jafningjamiðlaðri nálgun.
Almennt um PALS:
PALS aðferðin var þróuð af hjónunum Doug og Lynn Fuchs, sem bæði gegna prófessorsstöðum við Peabody College í Vanderbilt University í Tennesseefylki í Bandaríkjunum.
PALS nálgunin virkar mjög vel samhliða annars konar lestrar- og stærðfræðiaðferðum sem notaðar eru í almennri kennslu og í sérkennslu.
Rannsóknir á PALS aðferðinni í lestri og stærðfræði hafa staðfest að flestir nemendur, hvort sem þeir eru afburðanemendur, í meðallagi eða slakir, sýna meiri framfarir en þeir sem ekki fá PALS þjálfun. Það sama gildir um nemendur sem glíma við námsörðugleika.
Markmiðið með PALS er að gefa kennurum kost á að þjálfa samtímis hóp af nemendum í stafaþekkingu, lestri eða stærðfræði með jafningjamiðlaðri nálgun (félagakennslu).
////////////////////////////////////////////////////////////////////////////////////////////////////////////////////////////////////////////////////////////////////////////////////////////////////
Takið námskeið hér
///////////////////////////////////////////////////////////////////////////////////////////////////////////////////////////////////////////////////////////////////////////////////////////////////
Kennarar
Heiðveig Andrésdóttir
Heiðveig þýddi PALS þjálfun grunnþættir lesturs Handbók kennara
Menntun
1980 B.ed. frá KHÍ
2005 Diploma í sérkennslufræðum
Kennsluferill
1976-1977 Grunnskólinn að Kleppjárnsreykjum Borgarfirði
1982-1986 Grunnskólinn Blönduósi
1987-2017 Varmárskóli Mosfellsbæ
Sólveig Edda Ingvarsdóttir
Menntun
2016 M.ed í sérkennslufræðum frá HÍ
2006 B.ed í grunnskólakennarafræðum frá KHÍ
Kennsluferill
2015 Sérkennari og verkefnisstjóri í Hólabrekkuskóla
2010 – 2014 Kennari við sérkennslu í Skólaselinu Keilufelli. Lausnamiðaðri nemendavernd